Buscador
Galería Multimedia
Convenios CCAberto
| A pasarela de moda aumentou os clientes nos comercios |
|
|
|
|
As catro edicións da 'Pasarela de Moda', que organiza o Centro Comercial Aberto de O Barco, repercutiron favorablemente nos establecementos asociados.
Así o estimou a presidenta da asociación, Charo López, quen indicou que a organización do citado evento favorece a captación de clientes das comarcas próximas de Trives, O Bierzo e mesmo Viana. 'Non van a Verín, veñen aquí', comentou. A empresaria barquense enmarca esta captación de clientes dentro do ambiente de crise que vive a zona, causada en boa medida polos malos momentos que atravesou un sector da lousa que comeza a recuperarse. 'Se un sementa, ao final recolle', apuntou Charo López, quen engadiu que 'dentro da crise que hai, o comercio móvese e a xente vén'. Seguidamente, atribuía este movemento á 'Pasarela', pois apunta que 'por ela saben que nos movemos e a xente dos arredores vénnos, conciencíase máis'. Na edición deste ano, que se desenvolveu en maio, participaron 30 socios do Centro Comercial Aberto. 'O ano pasado captei algún movemento. Este foi unha marabilla', comentou. SOCIOS Na actualidade, o colectivo empresarial de O Barco aglutina a 106 asociados. A súa presidenta aprecia que, nos últimos meses, os industriais que abren un negocio acoden inmediatamente a inscribirse na asociación.
Fuente: Redacción. O Barco |
O Barco, unha realidade....
O Barco concentra a vida comercial da comarca de Valdeorras. Obarcoaberto centro comercial nace coa vocación de dar a oportunidade aos habitantes e visitantes da comarca de poder contar cun lugar máis atraínte e satisfactorio para facer a súas compras. Os empresarios do comercio, hostalería e servizos do Barco ofrecen aos seus clientes unha atención personalizada nun espazo renovado e cheo de vantaxes.
Da un paseo polo centro do Barco, fai as compras e aproveita os momentos de lecer, porque o barco centro comercial aberto é un lugar de encontro para a vida empresarial e social da comarca. Un centro aberto a ti, aberto a todos.
