La Región, 9 de maio de 2009.

A Praza do Concello do Barco vestiuse de "cabaret" para reivindicar o comercio da vila diante da veciña comarca berciana. A Pasarela 2009, que este recreou o ambiente do "Moulin Rouge", congregou a unhas 2.000 persoas, quen riron os chistes de Moncho Borrajo e berraron aos modelos, entre eles outro ourensán, Iván Cabrera, quen practicamente se despediu na vila barquense do título de Míster  Universo. Pero tamén foi aplaudida a ex modelo barquense Diana Ortiz e os 15 nenos que desfilaron.

“Veña, non vaiades a Ponferrada a comprar!”, protestou onte no Barco o ourensán Moncho Borrajo. “Que se decaten os de Ponferrada que O Barco está aquí, e os de Monforte e os de Ourense”, exclamaba pouco despois. O humorista presentou a “Pasarela 2009”, que organiza o Centro Comercial Aberto barquense e que este ano foi ambientada ao máis puro estilo cabareteiro. De aí a súa denominación de “Moulin Rouge”, en lembranza do local parisiense.

A música de cabaret non faltou nun espectáculo que comezaba cun número de ballet e coa aparición de Moncho Borrajo cantando en galego “ourensán”.

Non obstante, foron nenos do Barco, os 15 que saíron escollidos por sorteo, os que abriron o desfile. Durante máis dunha hora, unhas 2.000 persoas asistiron á exhibición dos artigos que ofrecen as 30 tendas que participaron no desfile. Entre o público tamén houbo bercianos, polo menos así considerouno a presidenta do Centro Comercial Aberto do Barco. “Veciños do Bierzo, benvidos ao Barco”, dixo Charo López na súa breve intervención.

As súas palabras foron aplaudidas polo público, pero non ergueron os berros que escoitaron os 15 modelos que participaron no desfile. Dous deles foron os que se levaron as ovacións máis soadas. En primeiro lugar, Iván Cabrera, que deixou de ser Míster Universo 2008 fai un par de semanas, co que o pase do Barco practicamente foi a súa despedida do título. Pero tamén se levou os aplausos dos asistentes Diana Ortiz, a ex modelo barquense, que desfilou entre aplausos.

As bromas de Moncho Borrajo e algunha que outra reprimenda aos que interrompían os seus chistes de “maricas” e políticos puxeron o sal e pementa a un evento que chegou a seu terceira edición. Foi o colofón dunha xornada intensa e que se desenvolveu segundo o programa preparado polos empresarios, diante da atenta mirada dos voluntarios de Protección Civil, sanitarios da ambulancia do 061 barquense e da Policía Local.

Para esta edición, a organización colocou un milleiro de cadeiras, que non foron suficientes para dar asento a todos os asistentes. Nas primeiras filas, reservadas ás autoridades, puido verse a responsables das federacións galega e ourensá de comercio, do Inorde e ao alcalde barquense, entre outras.

Fonte: http://www.laregion.es/