Trinta establecementos adheridos ao Centro Comercial Aberto presentaron as tendencias para a tempada nun desfile inspirado en Moulin Rouge.

O sempre animado Lady Marmalade no frenético cabaré parisiense serviu para quentar o ambiente, que o humorista Moncho Borrajo encargouse de manter (cos seus chistes sobre a homosexualidade, os políticos e o sexo). Borrajo e os modelos, porque os máis mozos non dubidaron en piropear aos maniquíes en cada un dos seus paseos pola pasarela, instalada na praza do Concello barquense. As 1.000 cadeiras colocadas polo CCA non chegaron a nada, e foron moitos os que gozaron do desfile de pé.

Sobre a alfombra vermella foron pasando as tendencias para esta primavera. Os nenos, en cores pastel, con concesións ao vermello. As mozas, con saias e pantalóns supercortos para o día a día (o bikini faise imprescindible para tomar o sol) e con vestidos algo máis recatados para a noite (e a festa). Colorido e alegría para a roupa, que nos homes tamén ten a súa vertente desenfadada, pero que recorre ao traxe de chaqueta cando se trata dunha ocasión especial.

Fonte: http://www.lavozdegalicia.es